మనం రోజూ ఎన్నో వ్యక్తిత్వ వికాస పాఠాలు చదువుతుంటాం. ఇలా చేయాలని అనుకుంటాం. ఆ పుస్తకం చదవడం అయిపోయాకో టీవీ చూసేసిన తరవాతో ఆ విషయాన్ని మరచిపోతాం.
ఒక్కసారి మీరు చదివిన పాయింట్ దగ్గర ఆగండి.
ఉదాహరణకు ‘మీరు బాగా ఒత్తిడిలో ఉన్నప్పుడు... మీకు రిలీఫ్ ని ఇచ్చేది ఏదో తెలుసుకుని ఆ పనిచేయండి. సంగీతం వినడం, పాత సినిమాలు చూడటం, చిన్న పిల్లలతో ఆడటం, కొత్త ప్రదేశాలకు వెళ్లడం... ఇలాంటివి చేయండి’ అని చదువుతాం. కానీ, ఒత్తిడిలో ఉన్నప్పుడు వీటిలో ఏ ఒక్కదాన్నయినా చేసేవాళ్లు మనలో ఎంతమంది ఉంటారు?
అందుకే అలాంటి విషయాలు చదివినప్పుడు కాసేపు అక్కడ ఆగండి. మీకు నిజంగా ఉత్తేజకంగా అనిపించేదేదో ఆలోచించుకోండి. అలాంటివి సిద్ధం చేసుకోండి. ఒత్తిడి నుంచి రిలీఫ్ పొందండి.
No comments:
Post a Comment